/ТАСС/ Европын болон дэлхийн аварга, 2024 оны “Алтан бөмбөг” шагналын эзэн, Испанийн шигшээгийн хагас хамгаалагч Родри “Барселона” багт тоглохоор иржээ. Түүний хэлсэн үгийг спортын сэтгүүлч Фабрицио Романо Х нийгмийн сүлжээний хуудсандаа эш татан бичсэн байна.

“Барселонад тоглоно гэдэг бол миний мөрөөдөл. Багийнхаа андуудтай уулзах мөчийг тэсэн ядан хүлээж байна” гэж Родри хэллээ. Өмнө нь Романо мэдээлэхдээ, Родри 2030 он хүртэл Барсатай гэрээ байгуулсан гэж байв. Зарим эх сурвалжийн мэдээллээр, Родри 70 сая еврогоор “Барса”-д иржээ.

Өдгөө 30 настай Родри 2019 оноос хойш Английн “Манчестер Сити” багт тоглохдоо 298 тоглолтод оролцжээ. Үүнээс өмнө тэрбээр "Атлетико", "Вильярреал" багуудад хүчин зүтгэж байв. Өнгөрсөн хугацаанд Родри Английн аваргаар 4 удаа шалгарч, Английн лигийн цомыг 3 удаа хүртэж, Английн цом ба УЕФА-гийн Супер цомыг тус бүр 2 удаа өргөж, Аваргуудын лиг, Английн Супер цом, клубүүдийн ДАШТ-д тус бүр нэг удаа түрүүлжээ.

Мөн Испанийн шигшээ багийн бүрэлдэхүүнд 2026 оны ДАШТ, 2024 оны ЕАШТ, 2023 оны Үндэстнүүдийн лигийн тэмцээнд аваргалсан бөгөөд энэ оны ДАШТ-ий шилдэг тоглогчоор шалгарсан билээ. 2024 онд тэрбээр France Football сэтгүүлээс дэлхийн шилдэг хөлбөмбөгчинд олгодог “Алтан бөмбөг” шагналыг хүртжээ.