АНУ-ын Техас муж улсын Арлингтон хотноо болсон хөл бөмбөгийн ДАШТ-ий хэсгийн шатны хоёрдугаар тойргийн тоглолтод Аргентины шигшээ баг Австрийн багийг 2:0 харьцаагаар хожсоноор хасагдах шатанд тоглох эрхээ авлаа.

Тоглолтын хоёр гоолыг Лионель Месси (38 болон 90+5 дахь минутад) оруулсан байна. Аргентины довтлогч тоглолтын 9 дэх минутад торгуулийн цохилтыг гоол болгож чадаагүй бөгөөд хэрэв амжилттай гүйцэтгэсэн бол хоёр тоглолт дараалан “хет-трик” хийсэн тоглогч болох байв.

Одоогоор Аргентины шигшээ баг 6 оноотойгоор “J” хэсгийг тэргүүлж байна. Тэдний араас Австри 3 оноотойгоор удаалж байгаа бол Йордан, Алжирын багууд оноо авч амжаагүй байна. Эдгээр хоёр баг өнөөдөр хоёрдугаар тойргийн тоглолтоо хийнэ.

Аргентинчууд хэсгийн сүүлийн тоглолтоо Йорданы багтай хийх бол Австрийн шигшээ Алжирын багтай тоглоно. Хоёр тоглолт хоёулаа энэ сарын 28-нд болно.

2026 оны хөл бөмбөгийн ДАШТ-ийг Канад, Мексик болон АНУ-ын 16 хотод явагдаж байна. Энэ удаагийн ДАШТ нь өмнөх 32 багийн форматыг өөрчилж, анх удаа 48 баг оролцож буйгаараа онцлогтой.

Эх сурвалж: TASS