АНУ-ын Жоржиа муж улсын Атланта хотноо болсон 2026 оны хөл бөмбөгийн дэлхийн аварга шалгаруулах тэмцээний (ДАШТ) хэсгийн шатны хоёрдугаар тойргийн тоглолтод Испанийн шигшээ баг Саудын Арабыг 4:0-ийн харьцаагаар буулган авлаа.
Тоглолтын гоолуудыг Ламин Ямаль (10 дахь минутад), Микель Оярсабаль (21 болон 24 дэх минутад) нар оруулсан байна. Саудын Арабын хамгаалагч Хасан Тамбакти 49 дэх минутад өөрийн хаалганд бөмбөг хийжээ.
Ингэснээр Испанийн шигшээ баг дөрвөн оноотойгоор "H" хэсгийг тэргүүлж эхэллээ. Тэдний араас тус бүр нэг оноотой Уругвай, Саудын Араб, Кабо-Вердегийн багууд бичигдэж байна.
Энэ сарын 27-нд Испанийн баг хэсгийн сүүлийн тоглолтоо Уругвайн багтай хийх бол Саудын Арабын шигшээ баг Кабо-Вердетэй тоглоно.
2026 оны хөл бөмбөгийн ДАШТ-ийг Канад, Мексик, АНУ улсууд хамтран зохион байгуулж байгаа бөгөөд тоглолтууд зургаадугаар сарын 11-нээс долоодугаар сарын 19-ний өдрүүдэд 16 хотод үргэлжилнэ. Энэ удаагийн ДАШТ нь уламжлалт 32 биш, харин 48 баг өрсөлдөж буй анхны тэмцээн гэдгээрээ онцлогтой.
Эх сурвалж: TASS
