Хөл бөмбөгийн дэлхийн аварга шалгаруулах тэмцээний /ДАШТ/ хэсгийн шатны тоглолтод Бразилын шигшээ баг Мароккогийн багтай 1:1 харьцаагаар тэнцлээ. Тоглолт АНУ-ын Нью-Жерси муж улсын Ист-Ратерфорд хотод болсон байна. 

Мароккогийн шигшээ багаас Исмаэль Сайбери тоглолтын 21 дэх минутад гол оруулсан бол Бразилын багийн довтлогч 32 дахь минутад хариу гоолыг хийжээ. Энэхүү тоглолт нь Винисиусын хувьд үндэсний шигшээ багийнхаа бүрэлдэхүүнд тоглосон 50 дахь тоглолт нь болсон байна. Оросын Санкт-Петербург хотын "Зенит" клубийн хамгаалагч Дуглас Сантос Бразилын шигшээ багийн гарааны бүрэлдэхүүнд талбайд гарч тоглолтыг дуустал тоглосон байна. Мөн "Зенит" клубт хүчин зүтгэдэг Бразилын довтлогч Луис Энрике тоглолтын 62 дахь минутад сэлгээгээр талбайд гарчээ. 

Багууд "С" хэсэгт тоглож байгаа бөгөөд тус хэсэгт Хаити, Шотландын шигшээ багууд мөн багтсан юм. Дараагийн тойрогт бразилчууд зургаадугаар сарын 20-нд шилжих шөнө Хаитигийн багтай тоглох бол мароккочууд Шотландын багтай өрсөлдөнө. АНУ, Канад, Мексик улсуудад болж буй ДАШТ долоодугаар сарын 19-нд дуусна. Тэмцээнд анх удаа 48 баг 12 хэсэгт хуваагдан оролцож байгаа бөгөөд хэсэг бүрээс хамгийн шилдэг хоёр баг, мөн хэсэгтээ гуравдугаар байр эзэлсэн шилдэг найман баг 1/16 шигшээд шалгарах эрхээ авна.

ТАСС