Хоккейн ДАШТ-ий хэсгийн шатны тоглолтод Норвегийн шигшээ баг Чехийн багийг 4:1 харьцаагаар хожсоноор шөвгийн наймд шалгарах болзлыг хангалаа.

Хожсон багаас Хавард Сальстен (3 дахь минут), Михаэл Брандсегг-Нюгор (7, 55), Мартин Роннильд (49) нар, хожигдсон багаас Ярослав Хмеларж (16) нар гоол оруулжээ.

Ийнхүү Норвегийн шигшээ баг 2012 оноос анх удаагаа ДАШТ-ий плей-оффын шатанд шалгарч байна. Тухайн үед норвегичүүд шөвгийн наймын тоглолтод Оросын багт 2:5-аар хожигдож байсан юм.

Зургаан тоглолтын дараах байдлаар Норвеги, Чехийн багууд тус бүр 13 оноотой болж, В хэсэгт хоёрдугаар ба гуравдугаар байруудыг эзэлж байна. Өнөөдөр болох хэсгийн шатны сүүлчийн тоглолтод норвегичүүд Данийн шигшээтэй, чехүүд Канадын шигшээтэй тус тус тоглоно.

Өмнө нь В хэсгээс Канад, Чехийн багууд гарах нь тодорхой болоод байсан бол одоо Словак /11 оноо/, Шведийн /9 оноо/ багуудын тоглолтоор плей-оффт шалгарах 4 дэх баг тодорно. Өнөөдөр болох энэ тоглолтод шведүүд үндсэн цагт хожих ёстой.