“Мерседес” багийн итали уралдаанч Кими Антонелли “Формула-1” ангиллын авто уралдааны энэ оны дэлхийн аварга шалгаруулах тэмцээний 5 дахь гараа буюу Канадын Гран-Прид түрүүллээ.

Хоёрдугаар байрт Их Британийн уралдаанч, “Феррари” багийн Льюис Хэмилтон, гуравдугаарт Нидерландын уралдаанч, “Ред Булл” багийн Макс Ферстаппен орсон байна. Ингэснээр Антонелли дөрөв дэх уралдаандаа дараалан түрүүлсэн бөгөөд ДАШТ-ий нийлбэр оноо нь 131 болжээ. Мөн анхны уралдаандаа түрүүлснийхээ дараа гурван уралдаанд дараалан түрүүлсэн түүхэн дэх анхны уралдаанч боллоо.

Нийлбэр дүнгээр хоёрдугаар байрт бичигдэж байсан “Мерседес” багийн британи уралдаанч Жорж Расселл энэ удаад замаа дуусгаж, барианд орж чадсангүй. Тэрбээр нийт 88 оноотой байгаа бол гуравдугаарт, Монакогийн уралдаанч, “Феррари” багийн Шарль Леклер бичигдэж байна.

Зохион бүтээгчдийн цомын төлөөх өрсөлдөөнд "Мерседес" (219 оноо), далее "Феррари" (147), "Макларен" (106) багууд эхний гуравт явж байгаа ажээ.

ДАШТ-ий 6 дахь гараа зургаадугаар сарын 5-7-нд Монакод явагдана.