“Jiji Press” агентлагийн мэдээлснээр, бейсболын “Лос-Анжелес Дожерс” багийн од Шохэй Отани өнгөрсөн нэг жилийн хугацаанд нийт 127.6 сая ам.долларын орлого олсноор “Forbes” сэтгүүлээс гаргадаг хамгийн өндөр орлоготой тамирчдын жагсаалтын тавдугаарт бичигдлээ. Энэ нь бэйсболын тамирчдын дунд хамгийн өндөрт тооцогдох үзүүлэлт юм.

Ш.Отанигийн орлогын ихэнх хэсэг нь спортоос гадуур үйл ажиллагаанаас бүрдсэн бөгөөд үүнээс 125 сая ам.доллар олсон нь дэлхийн бусад бүх тамирчныг ардаа орхисон дээд үзүүлэлт болжээ. Харин түүний цалингийн хувьд, урт хугацааны гэрээний дагуу хойшлуулж олгох нөхцөлтэйгээр зохицуулагдсан байдаг.

Уг жагсаалтыг Португалын хөлбөмбөгчин Криштиану Роналду 300 сая ам.долларын орлогоор тэргүүлсэн бол түүний араас Мексикийн боксчин Канело Альварес 170 сая ам.доллар, Аргентины хөлбөмбөгчин ЛионельМесси болон АНУ-ын сагсан бөмбөгийн домогт тамирчин Леброн Жеймс нар удаалжээ.