Холимог тулааны өсвөрийн Азийн аварга шалгаруулах тэмцээн Узбекистаны Ташкент хотод болж, Монголын тамирчид таван медаль хүртжээ.
Уг тэмцээнд Ази-Номхон далайн бүс нутгийн 30 гаруй орны 200 орчим тамирчин оролцсон бөгөөд манай улсаас найман тамирчин, хоёр дасгалжуулагчийн бүрэлдэхүүнтэй өрсөлдөв. Улмаар “Ташкент-2026” холимог тулааны өсвөрийн ААШТ-ий U18 ангиллын 60 кг-ын жинд өрсөлдсөн “One Team Fighting Center & OCTA MMA Academy” клубын тамирчин М.Мөнхсувд түрүүлж, төрийн дууллаа эгшиглүүлсэн байна. Үүнээс гадна U16 насны хөвгүүдийн 60 кг-д “Эрдэнэ” клубын тамирчин Э.Хаш-Эрдэнэ мөнгө, 55 кг-д “Гурван бүс”-ийн П.Санжаадамба, охидын 70 кг-д “Кинг Панда”-гийн Ө.Дөлгөөн, U18 насны хөвгүүдийн 70 кг-д “Шандас ММА”-гийн Х.Хатанбаатар нар хүрэл медалиар энгэрээ мялаажээ.
Монголын багийг “Болд нударга” клубын дасгалжуулагч Т.Болдбаатар ахалсан бол дасгалжуулагчаар олон улсын хэмжээний мастер А.Дашням ажилласан бол Монголын холимог тулааны холбооны Шүүгчдийн зөвлөлийн нарийн бичгийн дарга Ч.Бат-Амгалан тус тэмцээнд урилгаар тулаануудыг шүүн дэнсэлжээ.
