Швейцарт болж буй хоккейн дэлхийн аварга шалгаруулах тэмцээний (ДАШТ) хэсгийн шатны тоглолтод АНУ-ын шигшээ баг Германы багийг буллит цохилтоор 4:3-аар хожлоо.

АНУ-ын шигшээ багаас Айзек Ховард (15 дахь минут), Макс Сассон (26), Томми Новак (55) нар, Германы багаас Мориц Зайдер (2), Фредерик Тиффельс (30), Марк Михаэлис (33) нар шайб оруулжээ. Хожлын шийдвэрлэх цохилтыг Райан Леонард амжилттай гүйцэтгэсэн байна. АНУ-ын шигшээ багийн бүрэлдэхүүнд Стэнлийн цомын хоёр удаагийн аварга, Олимпын аварга Мэттью Ткачук ДАШТ-ий анхны тоглолтдоо оролцлоо.

АНУ-ын шигшээ баг одоогоор 5 оноотойгоор А хэсгийн 4 дүгээр байрт бичигдэж байна. Харин Германы баг 1 оноотойгоор сүүлээсээ хоёрдугаарт буюу 7 дугаар байрт жагсаж байна. Дараагийн тоглолтод АНУ-ын хоккейчид тавдугаар сарын 23-нд Латвийн багтай учраа таарах бол, германчууд тадугаар сарын 22-нд Унгарын багтай тоглоно.

В хэсгийн тоглолтод Шведийн шигшээ баг Словенийн багийг 6:0-ээр бут ниргэжээ.

Энэ удаагийн ДАШТ-д 16 улсын шигшээ багууд хоёр хэсэгт хуваагдан өрсөлдөж байна. Хэсэг тус бүрээс шилдэг 4 баг шөвгийн наймд шалгарах бол хэсэгтээ хамгийн сүүлд орсон багууд II дивизион руу бууж, ирэх оны ДАШТ-д оролцоно.

Өмнөх дэлхийн аварга бол АНУ-ын баг юм.

ОХУ, Беларусийн шигшээ багууд 2022 оноос хойш ДАШТ-д оролцохгүй байгаа юм.

Эх сурвалж: TASS