Дэлхийн чансааны хоёрдугаарт бичигдэж буй Испанийн теннисчин Карлос Алькарас гэмтлийн улмаас Уимблдоны тэмцээнд оролцох боломжгүй болжээ. Тэрбээр энэ тухайгаа Х нийгмийн сүлжээний хуудсандаа бичсэн байна.
Уимблдон бол энэ улирлын Их дуулгын гурав дахь тэмцээн бөгөөд зургаадугаар сарын 29-нээс долоодугаар сарын 12-нд явагдана. Өмнө нь мэдээлж байснаар, Алькарас тавдугаар 24-нөөс зургаадугаар сарын 7-нд явагдах Францын аварга шалгаруулах нээлттэй тэмцээнд мөн оролцох боломжгүй болжээ.
“Эдгэрэлт, нөхөн сэргээх эмчилгээ амжилттай явагдаж, миний биеийн байдал өмнөхөөс хамаагүй илүү сайн байна, гэхдээ би тоглоход бэлэн бус байгаа учраас Уимблдоноос татгалзахаас аргагүйд хүрлээ” хэмээн тэрбээр бичжээ.
Өдгөө 22 настай Алькарас Мэргэжлийн эрэгтэй теннисчдийн холбооны /ATP/ ивээл дор болдог тэмцээнүүдийн ганцаарчилсан төрөл 26 удаа түрүүлээд байна. Тэрбээр АНУ-ын аварга шалгаруулах нээлттэй тэмцээн, Уимблдон, Францын аварга шалгаруулах тэмцээнд тус бүр 2 удаа, Австралийн нээлттэй тэмцээнд 1 удаа тус тус аваргалжээ.
Мөн Парис-2024 Олимпын наадмаас ганцаарчилсан төрөлд мөнгөн медаль хүртсэн байна.
