“Милан” багийн хагас хамгаалагч Лука Модрич хөл бөмбөгийн ДАШТ-д оролцох Хорватын шигшээ багийн бүрэлдэхүүнд багтсан тухай тус улсын хөл бөмбөгийн холбооны хэвлэлийн алба мэдээллээ.

Шигшээ багийн мэдүүлэгт эцсийн байдлаар 26 хөлбөмбөгчний нэр бичигдсэн байна. Үүнд:

хаалгачид Доминик Ливакович ("Динамо" Загреб), Доминик Котарски ("Копенгаген", Дани), Ивор Пандур ("Халл Сити", Англи);

хамгаалагчид Йошко Гвардиол ("Манчестер Сити", Англи), Дуе Чалета-Цар ("Реал Сосьедад", Испани), Йосип Шутало ("Аякс", Нидерланд), Йосип Станишич ("Бавариа", Герман), Марин Понграчич ("Фиорентина", Итали), Мартин Эрлич ("Мидтьюлланн", Дани), Лука Вушкович ("Гамбург", Герман);

хагас хамгаалагчид Лука Модрич ("Милан", Итали), Матео Ковачич ("Манчестер Сити", Англи), Марио Пашалич ("Аталанта", Итали), Никола Влашич ("Торино", Итали), Лука Сучич ("Реал Сосьедад", Испани), Мартин Батурина ("Комо", Итали), Кристиян Якич ("Аугсбург", Герман), Петар Сучич ("Интер", Итали), Никола Моро ("Болониа", Итали), Тони Фрук ("Риека");

довтлогчид Иван Перишич (ПСВ, Нидерланд), Андрей Крамарич ("Хоффенхайм", Герман), Анте Будимир ("Осасуна", Испани), Марко Пашалич ("Орландо Сити", АНУ), Петар Муса ("Даллас", АНУ), Игор Матанович ("Фрайбург", Герман).

Өдгөө 40 настай Модрич 2025 оны 7 дугаар сараас хойш “Милан” багт тоглож байгаа бөгөөд өмнө нь 2012 оны зунаас Испанийн “Реал Мадрид” багт тоглож байсан юм. “Реал”-ын бүрэлдэхүүнд тэрбээр Аваргуудын лигт 6 удаа, клубүүдийн ДАШТ-д 5 удаа, Испанийн АШТ-д 4 удаа, Испанийн цомын тэмцээнд 2 удаа, Испанийн супер цомын тэмцээнд 5 удаа тус тус түрүүлжээ.

Л.Модрич 2018 онд France Football сэтгүүлээс шилдэг тоглогчид олгодог “Алтан бөмбөг” шагналыг хүртсэн байна. Тэрбээр Хорватын шигшээгийн бүрэлдэхүүнд 196 тоглолтод оролцохдоо 28 гоол оруулжээ. 2018 оны ДАШТ-ээс мөнгөн медаль, 2022 оны ДАШТ-ээс хүрэл медаль тус тус хүртсэн байна. ДАШТ-2026 бол түүний хувьд тав дахь ДАШТ юм.

Хорватын шигшээ баг Англи, Панам, Гана улсуудын багуудтай нэг хэсэгт оржээ.