Довтлогч Сидни Кросби 2026 оны хоккейн ДАШТ-д оролцох Канадын шигшээ багийн бүрэлдэхүүнд багтсан тухай тус багийн хэвлэлийн алба мэдээллээ.

Харин "Нью-Йорк Айлендерс" багийн довтлогч Мэтью Барзал гэмтлийн улмаас тус тэмцээнд оролцох боломжгүй болжээ.

Хоккейн ДАШТ энэ сарын 15-31-ний өдрүүдэд Швейцарт болно. Канадын шигшээ баг Швед, Итали, Дани, Чех, Словак, Норвег, Словенийн шигшээ багуудтай хамт нэг хэсэгт орсон байна.

Өдгөө 38 настай С.Кросби 2005 онд драфтын нэг номероор сонгогдож, Үндэсний хоккейн лигийн “Питтсбург” багт ирснээсээ хойш өнөөг хүртэл тус багт тоглож байгаа юм. Өнгөрсөн хугацаанд тэрбээр Стэнлийн цомыг /2009, 2016, 2017/ гурван удаа хүртэж, хоёр удаа шилдэг довтлогчоор шалгарч, 2007 ба 2014 онд лигийн аварга шалгаруулах тэмцээний хамгийн үнэ цэнэтэй тоглогчоор тодорч, 2010 ба 2017 онуудад улирлын шилдэг мэргэн бууч, 2016 ба 2017 онуудад плей-оффын хамгийн үнэ цэнэтэй тоглогчоор шалгарч байв.

Харин Канадын шигшээ багийн бүрэлдэхүүнд 2010 ба 2014 онуудад Олимпын аварга болсноос гадна ДАШТ /2015/, Дэлхийн цом /2016/, Дөрвөн үндэстний тэмцээнд /2025/ түрүүлсэн байна.