Жүдо бөхийн Улаанбаатарын "Их дуулга"-ын тасалбар худалдаанд гарчээ. Тус тэмцээн ирэх зургаадугаар сарын 19-нөөс 21-ний өдрүүдэд AIC STEPPE ARENA-д болно.
2028 оны олимпын оноо олгож эхлэх тус тэмцээнд оролцох багууд эхнээсээ бүрэлдэхүүнээ зарлаад эхэлжээ.
"Улаанбаатар их дуулга"-д оролцохоор мэдүүлсэн ОХУ-н багийг Дэлхийн хошой аварга, их дуулгын 10 удаагийн аварга Инал Тасоев тэргүүлэн ирэх нь батлагдав. ОХУ-н багт дэлхийн аварга Арман Адамиан, Тимур Арбузов, олимпын хүрэл медальт Мадина Таймазов нар багтжээ.
Харин Их Наран улс буюу Япон улсаас Олимпын аварга, Дэлхийн 5 удаагийн аварга Абэ Үта, Олимпын мөнгөн медальт, дэлхийн аварга Санширо Мурао, Дэлхийн аварга Рюүжү Нагаяама, Дэлхийн аварга Такеоки Такеши тэргүүтэй хүчирхэг баг Улаанбаатарт хүрэлцэн ирэх юм байна.
