Аваргуудын лигийн тэмцээний хагас шигшээгийн хариу тоглолтод Францын "Пари Сен-Жермен" баг Германы “Бавариа” багийг 1:1 харьцаагаар хожсоноор финалд шалгарлаа.

Мюнхен хотод болсон тоглолтын 3 дахь минутанд зочин багийн Усман Дембеле эхний гоолыг оруулсан бол хоёрдугаар үеийн нэмэлт цагийн 4 дэх минутанд талбайн эзэн багийн Харри Кейн хариу гоолыг хийв.

Хагас шигшээгийн эхний тоглолтод ПСЖ баг 5:4 харьцаагаар хожсон билээ. Хоёр тоглолтын хоёуланд нь Оросын хаалгач Матвей Сафонов оролцсон байна. Одоо парисчууд энэ сарын 30-ны өдөр Будапешт хотноо Английн “Арсенал”-тай аваргын төлөө тоглоно.

ПСЖ, Бавариа багуудын тоглолтын үеэр Гүржийн хагас хамгаалагч Хвича Кварацхелия оновчтой дамжуулалт өгсөн байна. Тэрбээр нэг улирлын хугацаанд Аваргуудын лигийн плей-оффын 7 тоглолтод үр дүнтэй тоглолт үзүүлсэн анхны тоглогч боллоо.

Аваргуудын лигийн тэмцээн бол Европын хамгийн том, хамгийн нэр хүндтэй клубийн түвшний тэмцээн юм. Тус тэмцээнд Испанийн “Реал Мадрид” баг хамгийн олон буюу 15 удаа түрүүлжээ.

Өнгөрсөн оны финалын тоглолтод Сафоновын нэр мэдүүлэгт байсан боловч талбайд гараагүй билээ. Тэрбээр Аваргуудын лигт түрүүлсэн Оросын 5 дахь хөлбөмбөгчин юм. Өмнө нь аваргын цомыг Игорь Добровольский (Марсель, 1993), Владимир Бут (Боруссиа Дортмунд, 1997), Дмитрий Аленичев (Порту, 2004), Денис Черышев (Реал, 2016) нар өргөж байв.