Олон улсын жүдо бөхийн холбооноос зохион байгуулдаг “Их дуулга”-ын цуврал тэмцээн Тажикстан, Казахстан болно.

Тодруулбал, ирэх сарын 1-3-нд Тажикстаны Душанбед, 8-10-нд Казахстаны Астана хотод болох хуваарьтай. Дээрх хоёр тэмцээнд зодоглох Монголын баг тамирчдын эхний хэсэг болох хөнгөн, дунд жингийнхэн өчигдөр эх орноосоо мордлоо. Тамирчдыг шигшээ багийн дасгалжуулагч М.Бундмаа, Ч.Болдбаатар удирдаж байна.

Багийн бүрэлдэхүүнд бага зэрэг өөрчлөлт орсон бөгөөд Душанбегийн “Их дуулга”-аас 21 тамирчны мэдүүлэг өгснөөс дөрөв нь хасагджээ. 60 кг-д Э.Ариунболд, Т.Түмэнжаргал, 66 кг-д Б.Эрхэмбаяр, Ө.Жанцандорж, 81 кг-д О.Шинэбаяр, Г.Батсугар, -100 кг-д Ц.Ган-Эрдэнэ нар тодорхой шалтгааны улмаас өнжихөөр болов. Харин Б.Эрхэмбаярын хувьд Душанбегийн “Их дуулга”-ыг өнжиж, зөвхөн “Бариси Их дуулга”-д барилдах ажээ. Шинэчилсэн бүрэлдэхүүнийг танилцуулъя.

Эмэгтэй баг

48 кг: Ж.Анударь

52 кг: М.Нандин-Эрдэнэ, Ц.Гал-Од,

57 кг: Т.Ариунзаяа, М.Цэндбазар

63 кг: Б.Ганхайч, Л.Энхрийлэн

70 кг: У.Анужин,

-78 кг: О.Хүслэн

+78 кг: А.Адьяасүрэн, Д.Номинзул.

Эрэгтэй баг

60 кг: Б.Сүхбат

73 кг: Л.Анхзаяа, О.Уранбаяр

81 кг: Б.Шинэтулга

-100 кг: Б.Хүдэрчулуун,

+100 кг: Ө.Пэрэнлэйжамц нар барилдахаар болов.