Киргизстаны нийслэл Бишкек хотод шайбтай хоккейн U18 насны Азийн цомын аварга шалгаруулах тэмцээн өчигдөр эхэллээ.
Долоон өдөр үргэлжлэх энэ тэмцээнд манай улсаас дасгалжуулагч Б.Зориг, гавьяат дасгалжуулагч А.Мэргэн нарын удирдлагад оролцож буй баг тамирчид өчигдөр эхний тоглолтдоо Макаогийн шигшээг 18:0-ээр буулган авснаар эхний ялалтаа байгууллаа. Энэ тоглолтын шилдэг тоглогчоор багийн ахлагч Ө.Наранбатыг шалгаруулсан байна. Манай өсвөрийнхөн өнөөдөр Индонез, маргааш Узбекистаны багтай тоглох юм.
Монголын баг тамирчид энэхүү тэмцээнээс өмнө нь 2023 онд мөнгөн медаль хүртэж байв.
Ташрамд дурдахад, Хонконгт болсон ДАШТ-ий гуравдугаар дивизионд өрсөлдсөн Монгол Улсын хоккейн шигшээ багийнхан энэ удаагийн тэмцээнийгV байрт шалгарсан амжилттайгаар өндөрлүүлсэн юм.
