Хөл бөмбөгийн дэлхийн аварга шалгаруулах тэмцээн (ДАШТ) эхлэхэд 50 хоног үлдээд буй энэ үед Олон улсын хөл бөмбөгийн холбоо (ФИФА) тасалбарын эцсийн шатны борлуулалтыг эхлүүлж байна. Нийт 104 тоглолтын тасалбар худалдаанд гарч байгаа бөгөөд "хэн түрүүлж бүртгүүлсэн нь авна" гэсэн зарчмаар борлуулах ажээ.

АНУ, Канад, Мексикт зургаадугаар сарын 11-нд эхлэх тэмцээний тасалбарын сүүлчийн шатны борлуулалтыг эхлүүлж буйгаа ФИФА мэдэгдсэн байна.

ФИФА-гийн мэдээлснээр, одоогоор 6 сая орчим тасалбараас 5 сая гаруй нь зарагдаад байна. 1-3-р зэрэглэлийн суудлууд болон тоглолтоос хамаарч талбайн хажуугийн суудлууд худалдаанд гарна. Мөн хэрэв тасалбар дуусаагүй, буцаалт хийгдсэн зэрэг тохиолдолд долоодугаар сарын 19-нд болох финалын тоглолт хүртэл нэмэлт тасалбаруудын багцыг үе шаттайгаар худалдаанд гарна гэдгийг тус холбоо мэдээлжээ.

Тасалбарын үнэ өмнө нь шүүмжлэл дагуулж байсан бөгөөд АНУ-ын хэсэг хууль тогтоогчид "динамик үнэ тогтоох" аргачлал нь хөл бөмбөгийн тоглолтуудыг жирийн хөгжөөн дэмжигчдэд хүртээмжгүй болгож байгааг онцлоод, тасалбарын үнийг бууруулахыг ФИФА-д уриалжээ.

Үүний хариуд ФИФА мэдэгдэхдээ, үнэ нь эрэлт, нийлүүлэлтээс хамааран гар аргаар зохицуулагддаг “хувьсах үнэ тогтоолт” ашиглаж байгаагаа тайлбарласан.

Үүний хариуд ФИФА-гаас мэдэгдэхдээ, "хувьсах үнэ тогтоох" механизмыг ашиглаж байгаа гэсэн байна. Үнийг тогтоохдоо автомат программаар бус харин эрэлт болон тасалбарын үлдэгдэл нөөцөд тулгуурлан тохируулж, өөрчилж байгаа аж.

Түүнчлэн 12 дугаар сард “Supporter Entry Tier” ангиллын хязгаарлагдмал тасалбарыг 60 ам.доллараас эхлэх үнээр нэвтрүүлсэн бөгөөд энэ нь нийт тасалбарын ойролцоогоор 10 хувийг эзэлнэ.

Үүнээс гадна, өнгөрсөн оны 12 дугаар сард 60 ам.доллароос эхлэх үнэтэй "Supporter Entry Tier" ангиллын хязгаарлагдмал тооны тасалбарыг зах зээлд гаргасан байна. Эдгээр тасалбар нь оролцогч гишүүн холбоодод (PMA) хуваарилсан нийт тасалбарын ойролцоогоор 10 хувийг эзэлж байгаа ажээ.

Тасалбарын худалдааг дөрөвдүгээр сарын 22-ны лхагва гарагт эхлүүлсэн байна.

Эх сурвалж: Reuters