Монголын үндэсний бөхийн холбооноос тавдугаар сард зохион байгуулах барилдааны хуваарь гарчээ. Мөн  МҮБХ-ны ээлжит “Их эе”-ийг тавдугаар сарын 15-нд товлосон байна.

Тавдугаар сарын бөхийн барилдаан үндэсний бөхийн оюутны улсын аварга шалгаруулах барилдаанаар эхэлнэ. 

• 5.1-нд: Үндэсний бөхийн оюутны улсын аварга шалгаруулах барилдаан
• 5.2-нд: “Бест баззер” шилдэг 64 бөхийн сугалаат барилдаантай
• 5.3-нд: Завхан аймгийн Сантмаргац сумын харьяат БНМАУ-ын арслан “Нахиу” хэмээх Ш.Санжсүрэнгийн нэрэмжит аймаг, цэрэг, сумын цолтой 512 бөхийн барилдаантай
• 5.9-нд: Ховд аймгийн Дөргөн сумын түүхт 70 жилийн ойд зориулсан, БНМАУ-ын начин Л.Бандихүүгийн нэрэмжит улс, аймаг, цэргийн цолтой 128 бөхийн барилдаан болно.
• 5.10-нд: Баянзүрх уулын хишиг улс, аймаг, цэргийн цолтой 128 бөхийн барилдаан болно. Уг нь 256 бөх барилддаг байсан юм. Өнгөрсөн жилээс 128 болгочихсон.
• 5.16-нд: Даншгийн дархан аварга С.Чүлтэмийн нэрэмжит улс, аймаг, цэргийн цолтой 128 бөхийн барилдаан болно.
• 5.17-нд: “Алтан Жолоо групп” компанийн нэрэмжит улсын арслан цолны хүндэтгэл улс, аймаг, цэргийн цолтой 128 бөхийн уламжлалт барилдаантай.
• 5.23-нд: Завхан аймгийн Эрдэнэхайрхан сумаас төрөн гарсан улсын цолтнуудын нэрэмжит улс, аймаг, цэргийн цолтой 128 бөхийн барилдааныг товложээ.
• 5.24-нд: Сумын цолтон болон залуу бөхчүүдийн 134 дэх удаагийн барилдаан бий.
• 5.30-нд: Өмнөговь аймгийн Манлай сумын харьяат, БНМАУ-ын арслан Г.Дэмүүлийн нэрэмжит 128 бөхийн барилдаан. Энэ барилдаан уг нь маргааш байсан ч зохион байгуулагчдын зүгээс хойшлуулсан байдаг юм.
• 5.31-нд: МҮАН-ын 20 жилийн ойд зориулсан үндэсний их баяр наадмын сорилго улс, аймаг цэрэг, сумын цолтой 256 бөхийн барилдаан болно.