Өвөрхангай аймгийн “Алтан аргай” шагайн холбооны 20 жилийн ойд зориулсан тэмцээн энэ амралтын өдрүүдэд боллоо.
Тэмцээнд есөн аймаг, Улаанбаатар хотоос 50 багийн харваачид оролцож, насны гурван ангиллаар цэц мэргэн, ур чадвараа сорин өрсөлдсөн юм.
Мөн ЮНЕСКО-ийн хүн төрөлхтний соёлын өвд бүртгэгдсэн, монгол үндэстний уламжлалт шагайн харвааг хөгжүүлж яваа шилдэг харваачдыг алдаршуулах, харваачдын дунд дууны уралдаан зохион байгуулах зэргээр ойгоо өргөн дэлгэр тэмдэглэж байна.
“Алтан аргай” шагайн холбоо нь шагайн харвааг хөгжүүлэх, харвааны ёс жаягийг залуу, хойч үед өвлүүлэх, харваачдын ур чадварыг сайжруулах чиглэлээр тасралтгүй үйл ажиллагаа явуулж ирсэн бөгөөд төрийн наадамд тус бүр нэг үзүүр, түрүүг авч, хоёр удаа шөвгөрч, улсын аварга шалгаруулах харвчаадын тэмцээнд хоёр удаад дэд байр эзэлжээ.
“Өвөрхангай аймгаас шагайн спортын анхны гавъяат тамирчин төрөн гарсан. Даяар дуурсах дархан мэргэн Б.Шинэнбаяраараа бид бахархаж явдаг” хэмээн “Алтан аргай” шагайн холбооны тэргүүн Р.Намгилрагчаа ярилаа.
