Чөлөөт бөхийн 2026 оны насанд хүрэгчдийн Азийн аварга шалгаруулах тэмцээн Киргизстаны Бишкек хотод үргэлжилж байна.

Эмэгтэйчүүдийн 50, 55, 59, 68, 76 кг-ын жингийн барилдаан өчигдөр болж, медалийн төлөө өрсөлдөх бөхчүүдийн нэр тодорлоо. Манай улсаас 76 кг-ын ДАШТ-ий мөнгөн медальт Э.Даваанасан Солонгос, Казахстаны бөхийг ялснаар өнөөдөр алтан медалийн төлөө барилдах эрхтэй болов. Түүний өрсөлдөгч нь Азийн гурван удаагийн аварга Айпери Медет Кызы байх юм.

Үүнээс гадна 68 кг-д ДАШТ-ий мөнгөн медальт Э.Дэлгэрмаа Казахстаны домогт бөх, “Бээжин-2008” олимпын наадмын хүрэл, 2007, 2010 оны ДАШТ-ий мөнгө, 2009 оны ДАШТ-ий хүрэл медальт, Азийн хошой аварга, Азийн наадмын аварга Елена Шалыгинатай хүрэл медалийн төлөө барилдана. Мөн 55 кг-д О.Ариунзаяа БНСУ-ын бөх О Жон Бинтэй, 59 кг-д олон улсын хэмжээний мастер Х.Болортуяа Энэтхэгийн Неха Нехатай тус тус хүрэл медалийн төлөө өрсөлдөх аж.

Харин 50 кг-д Б.Мөнхнар Энэтхэгийн Нипуни Васана Дармадасатай дагах барилдаан хийх бөгөөд ялбал хүрлийн төлөө барилдах эрхтэй болно.