Аймгийн засаг даргын урилгаар "Сэлэнгэ Бодонс” багийн төвийн тоглогч ДеМаркус Казинс, довтлон тоглогч Жэй Скрабб нар Дархан хотод ирлээ. Спорт тэр дундаа сагсан бөмбөгийн спортыг хөгжүүлэхэд хувь нэмрээ оруулж буй Бодонс академи, Дархан хоттой танилцаж байна.

Хүндэт зочдыг сагсан бөмбөгийн спорт сонирхогчид угтан авч Дархан Юнайтед аренагын их танхимд болж буй Бодонс академийн тамирчдын сагсан бөмбөгийн тэмцээн, үйл ажиллагаа, цаашдын зорилгийн талаар багийн эзэн Л.Наранбаатар зочид, үзэгчдэд танилцууллаа.

Олимп, дэлхийн аварга тамирчныг урьж хүүхэд, залуустай уулзуулж, сагсан бөмбөгийн спортыг хөгжүүлэхэд үнэтэй хувь нэмэр оруулж буй орон нутгийн удирдлагууд, багийн эзэнд Дарханы хүүхэд, багачууд, залуусын төлөөлөл талархал илэрхийлж байлаа.

Мөн энэ өдөр Сэлэнгэ бодонс багийн холбон тоглогч Б.Энхсайхан, О.Тулга нар хүрэлцэн ирж хүүхэд, залуустай нэгэн өдрийг хамтдаа өнгөрүүллээ.

Мөн энэ өдөр Миний Монгол цэцэрлэгт хүрээлэн дэх спортын задгай талбай гурван насны ангиллаар 3х3 тэмцээнээр энэ зуны нээлтээ эхлүүлэв.

Дархан-Уул аймгийн Засаг даргын нэрэмжит гадна талбайн 3x3 сагсан бөмбөгийн аймгийн аварга шалгаруулах тэмцээний нээлтэд "Сэлэнгэ Бодонс” багийн төвийн тоглогч Демаркус Казинс, довтлон тоглогч Жэй Скрабб болон багийн гишүүд урилгаар оролцож залууст амжилт хүслээ.