Аймгийн “Хутагтын өрөг” шатрын холбооноос зохион байгуулсан “ЭВЛЭЛ- 21” шатрын тэмцээн Сайншанд сумын Спортын ордонд гурван өдөр үргэлжилж өчигдөр дүнгээ гаргалаа.

Тэмцээнд 20 аймгийн СӨБ болон ЕБ-ын өсвөрийн шатарчид, клуб удирдсан багш дасгалжуулагчид нийт 710 тамирчин оролцсоноос багийн дүнгээр Дорноговь аймаг 42 оноогоо тэргүүн байрт шалгарчээ.

Тухайлбал, 5-6 насны эрэгтэй ангиллын тэргүүн байрт Дорноговь аймгийн Э.Уранбаяр, 7-8 насны эмэгтэй ангиллын дэд байрт Дорноговь аймгийн А.Маргад-Эрдэнэ, 9-10 насны эмэгтэй ангиллын дэд байрт Дорноговь аймгийн Н.Анударь, эрэгтэй ангиллын дэд байрт А.Одбилэг, 11-12 насны эмэгтэй ангиллын гутгаар байрт Дорноговь аймгийн П.Эрмүүн, 15-16 насны эрэгтэй ангиллын тэргүүн байрт Дорноговь аймгийн Г.Энгүүн, 17-18 насны эмэгтэй ангиллын дэд байрт О.Алдармаа нар шалгарав.

Тэмцээнд амжилттай оролцож эхний гурав болон шагналт байрт шалгарсан тамирчдыг өргөмжлөл, мөнгөн шагналаар шагнаж урамшууллаа.

Харин тэмцээний багийн дүнгээр дэд байрт Орхон аймгийн баг 32 оноогоор, гутгаар байрт Өвөрхангай аймгийн баг 29 оноогоор тус тус шалгарчээ.