Азийн сагсан бөмбөгийн холбооноос зохион байгуулдаг Аваргуудын лигийн шинэ улирлын тоглолт эхэллээ.
Энэ удаагийн лигт Тайванийн хоёр, Монгол, Хонконг, Индонез, Тайланд, Малайзаас тус бүр нэг баг хоёр хэсэгт хуваагдан өрсөлдөж байгаа юм. Манай улсаас үндэсний дээд лигийн есөн удаагийн аварга “Хасын Хүлэгүүд” баг өрсөлдөх бөгөөд тэд “В” хэсэгт багтжээ.
“Хүлэгүүд” эхний тоглолтоо энэ сарын 6-нд Хонконгийн “Сөүт Чайна Атлетик”-тай хийнэ. Уг тоглолт Хонконгийн “Southorn Stadium”-д болох аж. Улмаар 19-нд Тайванийн “Нью Тайпэй Кингз”, 21-нд Тайванийн өөр нэг баг болох “Таоюань Пауйан Пайлотс”-ын талбайд зочилно. Харин ирэх сарын 5, 7, 8-нд дээрх гурван багийн эх орондоо хүлээн авах хуваарьтай байна.
“Хасын Хүлэгүүд” баг 2024 оноос эхлэн Азийн аваргуудын лигт Монгол Улсаа төлөөлөн оролцож байгаа бөгөөд тус тэмцээнийг Олон улсын сагсан бөмбөгийн холбооноос зохион байгуулдаг. Энэ нь Азийн дээд лигүүдийн аварга болсон баг өрсөлддөг тивийн хамгийн өндөр зэрэглэлийн клубуудын тэмцээн билээ.
“Хүлэгүүд” Аваргуудын лигээс алт, хүрэл медаль хүртсэн амжилттай яваа юм.
