Батлан хамгаалах яамны харьяа, Зэвсэгт хүчний "Алдар" спорт хороо 80 жилийнхээ ойн хүрээнд 2026 оны өсвөрийн шатарчдын түргэн болон түргэвчилсэн тоглолтын Монгол Улсын аварга шалгаруулах “Алдрын цом” тэмцээнийг зохион байгууллаа.

Тэмцээнд 792 шатарчин оюун ухаанаа сорин өрсөлдсөнөөс Хөвсгөл аймгийн Хүүхэд, гэр бүлийн хөгжил, хамгааллын газрын дэргэдэх "Хөх Монгол" шатрын клубийн тамирчид амжилттай оролцож, цомын эзэн болжээ.

Ч.Нямдаваа багшаар удирдуулсан "Хөх Монгол" клубийн баг тамирчид 3 алт, 1 мөнгө, 4 хүрэл медаль хүртэж, нийт 9 медалиар түргэн болон түргэвчилсэн тоглолтын улсын аварга багаар шалгарлаа. Тэмцээнд 5-18 насны нийт 7 ангилалд 21 аймаг, 9 дүүргийн 792 өсвөрийн шилдэг шатарчид оюун ухаанаа сорин 136 багц медалийн төлөө өрсөлджээ.