Холимог тулааны UFC холбооны аваргын бүсийг хоёр өөр жинд эзэмшиж байсан Ирландын тамирчин Конор Макгрегор найман талт октагон дэвжээндээ эргэн ирэх зөвшөөрлийг албан ёсоор авсан тухай The Sun сэтгүүлд мэдээлсэн байна.

Сэргээшийн эсрэг дүрэм журмыг зөрчсөн гэх үндэслэлээр түүний тулалдах эрхийг 2025 оны 10 дугаар сард 18 сарын хугацаагаар хассан юм. Учир нь, Макгрегор 2024 онд сэргээшийн шинжилгээ өгөхийг шаардахад гурван удаа ирээгүй ажээ. Түүний эл үйлдэл нь “өөрийн байршлын талаарх мэдээллийг өгөх тухай журмыг зөрчсөн” гэж дүгнэсэн байна. Ингээд тулалдахыг эрхийг нь 2024 оны есдүгээр сарын 20-ноос 2026 оны гуравдугаар сарын 20 хүртэлх хугацаанд хасжээ.  

Одоо тэрбээр 7 дугаар сарын 11-нд Лас-Вегаст болох UFC 330 тэмцээнд оролцоно. Макгрегорын төлөөний хүмүүс болон холимог тулааны холбооны удирдлагын хийсэн хэлэлцээ амжилттай болсон тухай эх сурвалжууд мэдээллээ. Өдгөө 37 настай Макгрегор холимог тулаанаар 22 удаа ялж, 6 удаа ялагдсан  ба UFC холбооны хагас хөнгөн, хөнгөн жингүүдэд аваргалж байв. Хамгийн сүүлд 2021 оны 7 дугаар сард Америкийн тамирчин Дастин Порье-тэй тулалдах үеэрээ хөлдөө бэртэл авчээ. 

ТАСС