Хойд Америкийн хөл бөмбөгийн тэргүүн лигийн /MLS/ удирдлага тоглолтуудад бооцоо тавихад оролцсон АНУ-ын хагас хамгаалагч Деррик Жонс, Гана улсын довтлогч Йо Йебоа нарын хөл бөмбөг тоглох эрхийг нь насан туршид нь хассан тухай тус лигийн хэвлэлийн алба мэдээлжээ.
MLS-ээс явуулсан шалгалтын явцад, дээрх хоёр хөлбөмбөгчин 2024 ба 2025 оны улирлын үеэр олон тоглолтод, түүний дотор өөрсдийн багуудын тоглолтуудад их хэмжээний бооцоог олон удаа тавьж байсан нь тогтоогдсон байна.
Өдгөө 29 настай Жонс MLS лигийн "Филадельфиа", "Нэшвилл", "Хьюстон Динамо", "Шарлотт", "Коламбус" багуудад тоглож байсан бөгөөд одоо чөлөөт агент болсон ажээ. Тэрбээр “Коламбус” багийн бүрэлдэхүүнд КОНКАКАФ-ын Аваргуудын лигийн финалд тоглож байв.
Өдгөө 28 настай Йебоа одооо Хятадын “Циндао” багт тоглож байгаа бөгөөд MLS лигт байхдаа "Коламбус", "Лос-Анжелес" багуудад тоглож байв. Тэрбээр 2023 онд “Коламбус” багийн бүрэлдэхүүнд лигийн аварга болжээ.
Эх сурвалж: TASS
