Монголын Чөлөөт бөхийн холбооны Ерөнхийлөгчийн нэрэмжит "Шилдэг-8" анхдугаар тэмцээний эхний өдөр эрэгтэйчүүдийн 57, 74, 97 кг, эмэгтэйчүүдийн 50, 57, 68 кг-ын жингийн медалийн төлөөх барилдаанууд явагдсан. Энэ удаагийн тэмцээний үеэр дотоодын шилдэг тамирчид эрэгтэй, эмэгтэй тус бүр олимпын 6 жингээр хүч сорьсон.
Олимпын наадамд эх орноо төлөөлж оролцсон төдийгүй Улсын аваргад зургаан удаа түрүүлээд буй ОУХМ Б.Бат-Эрдэнэ, МЧБХ-ны ерөнхийлөгчийн нэрэмжит "Шилдэг-8" дотоодын чансаа өндөр анхдугаар тэмцээний 97 кг-ын жинд түрүүлэв.
Энэ жингийн шилдгүүд болох Азийн наадмын хүрэл, Ази тивийн АШТ-ий хошой хүрэл медальт, ОУХМ Г.Ганхуяг мөнгө, U23 ангиллын Ази тивийн АШТ-ий хошой мөнгөн медальт Т.Дэмчигдорж хүрэл медалийг гардлаа.
ОУХМ Г.Ганхуяг, Т.Дэмчигдорж нарын тухайд, өнөө жилийн Улсын аваргын 97 кг-ын жин дэх алт, мөнгөн медалийн эзэд билээ.
Эрэгтэйчүүдийн 97 кг-ын дүн:
МЧБХ-ны ерөнхийлөгчийн нэрэмжит "Шилдэг-8" дотоодын чансаа өндөр анхдугаар тэмцээний 74 кг-ын жинд Ази тивийн АШТ-ий хүрэл медальт, Улсын гурван удаагийн аварга, ОУХМ З.Сумъяабазар түрүүлэв.
Өнөө жилийн Улсын аваргаар сайн барилдаж, энэ жинд өнгөлсөн тамирчид ахин медалийн тавцанд гарсан бол харин ДАШТ-ий мөнгө, хүрэл медальт, Азийн наадмын аварга, МУГТ Т.Тулга жин өгсөж барилдаад хүрэл медалийн эзэн боллоо.
Т.Тулга гавьяат өмнө нь 65, 70 кг-ын жинд зодоглож байсан бол энэ удаа 74 кг-ын жинд барилдсан юм.
Эрэгтэйчүүдийн 74 кг-ын дүн:
Сүүлийн хоёр жилийн Улсын аваргаар 61 кг-д хүч сорьсон ДАШТ-ий хүрэл медальт, ОУХМ З.Занабазар, Монголын чөлөөт бөхийн холбооны ерөнхийлөгчийн нэрэмжит "Шилдэг-8" анхдугаар тэмцээний 57 кг-ын жинд түрүүллээ.
Өнөө жил энэ жингийн Улсын аваргаас мөнгө, хүрэл медалийг гардсан тамирчдын медалийн өнгө энэ удаад ч мөн давтагдсан юм.
Эрэгтэйчүүдийн 57 кг-ын дүн:
