Мадридын “Атлетико”, “Реал Сосьедад” багууд Испанийн цомын 2025/26 оны улирлын тэмцээний финалд тоглохоор шалгаран үлдлээ. Шийдвэрлэх тоглолт дөрөвдүгээр сарын 18-нд Севилиа хотын "Олимпико де Севилиа - Ла Картуха" цэнгэлдэх хүрээлэнд болно.
Диего Симеоне-гийн дасгалжуулсан “Атлетико” баг хагас шигшээгийн хоёр тоглолтын нийлбэр дүнгээр /4:0, 0:3/ “Барселона”-г илүүрхсэнээр финалд шалгарсан байна. Хариу тоглолтод хожигдсон боловч эхний тоглолтод өрсөлдөгчөө бутниргэсэн мадридчууд 2013 оноос хойш анх удаагаа шийдвэрлэх тоглолтод шалгаран үлдлээ. Тэд түүхэндээ Испанийн цомыг 10 удаа хүртжээ.
Харин "Реал Сосьедад" баг хагас шигшээгийн хариу тоглолтод Бильбаогийн “Атлетик”-ийг 1:0 харьцаагаар хожсоноор финалд тоглохоор боллоо. Цорын ганц гоолыг 87 дахь минутанд Микель Оярсабаль оруулсан байна.
Сан-Себастьян хотын "Реал Сосьедад" баг түүхэндээ зургаа дахь удаагаа финалд шалгарсан нь энэ бөгөөд 1909, 1987, 2020 онуудад үндэсний цомыг гурван удаа хүртжээ.
