Мадридын “Реал” багийн хөлбөмбөгчид Испанийн аварга шалгаруулах тэмцээний 26-р тойргийн тэмцээнд талбайдаа "Хетафе" багт 0:1-ээр хожигдлоо.

Тоглолтын цорын ганц гоолыг Мартин Сатриано 39 дэх минутад хийжээ. Хоёрдугаар үеийн нэмэлт цагт сэлгээгээр талбайд гарсан "Реал"-ын тоглогч Франко Мастантуоно улаан хуудсаар, "Хетафе"-гийн хөлбөмбөгч Адриан Лисо нар шар хуудсаар торгуулснаар талбайгаас хөөгдсөн байна. Тоглолтыг мөн “Реал”-ын франц довтлогч Килиан Мбаппе өнжжээ. Түүний өвдөгний шөрмөс гэмтсэн гэж өмнө мэдээлж байсан юм. 

“Реал” энэ улирлын Испанийн АШТ-д анх удаа дараалан хоёр хожигдол хүлээлээ. Өмнөх тойрогт Мадридын баг "Осасуна"-д 0:2-оор хожигдсон юм. “Реал” 60 оноотойгоор хүснэгтийн хоёрдугаарт бичигдэж байгаа бол "Барселона"  64 оноогоор тэргүүлж байна. Харин “Хетафе” 32 оноо авснаар 11 дүгээр байр луу дэвшжээ.

Дараагийн тойрогт “Реал” гуравдугаар сарын 6-нд Сельта-тай зочлог тоглоно. Харин “Хетафе” гуравдугаар сарын 8-нд талбайдаа "Бетис" багтай өрсөлдөнө.

Эх сурвалж: TASS