Монголын сагсан бөмбөгийн холбооноос зохион байгуулж буй үндэсний дээд лигийн 2025-2026 оны улирлын тоглолтын аваргаар “Эс Жи Эйпс” баг шалгарчээ.
Тэд энэ улирлыг улирлыг 18 хожил, есөн хожигдолтой дуусган плей-оффт үлдсэнээр гавьяат тамирчин Ц.Шаравжамцын нэрэмжит улирлын аваргын цом, 100 сая төгрөгийн эзэн болов. Тэгвэл дэд байрт шалгарсан “Хасын хүлэгүүд” 85, “Би Эс Эйч Найтс” 75 сая төгрөгийн урамшуулал хүртжээ. Түүнчлэн 4-10 дугаар байр шалгарсан багууд 15-65 сая төгрөгийн урамшуулал авлаа.
2025-2026 оны улиралд монгол тоглогчдоос хаалтаар А.Азбаяр, бөмбөг таслалтаар М.Өлзий-Орших, дамжуулалтаар О.Эрдэнэцогт, самбарт Г.Дөлгөөн, оноогоор Ч.Маргад тэргүүлжээ.
Өнөөдөр дээд лигийн плей-оффын тоглолт албан ёсоор эхэлнэ. Тодруулбал, “Эс Жи Эйпс”-тэй “Завхан Бродерс”, Сэлэнгийн “Бодонгууд”-тай “Уурхайчид” багийн тоглолт плей-оффыг эхлүүлж байгаа юм.
