Нэмэлт тоглолтууд дууссанаар Аваргуудын лигийн тэмцээний шөвгийн 16-д тоглох бүх баг тодорлоо.
Тус тэмцээний үндсэн үе шатанд 36 баг өрсөлдсөнөөс шилдэг 8 баг шууд шөвгийн16-д шалгарсан бол 9-өөс 24 дүгээр байр эзэлсэн багууд хоорондоо нэмэлт тоглолтууд хийж, 1/8-д шалгарч байна.
Шууд шалгарсан багууд бол Английн "Арсенал", "Ливерпүүл", "Тоттенхэм", "Челси", "Манчестер Сити", Германы "Бавариа", Испанийн "Барселона", Португалын "Спортинг" юм. Харин нэмэлт тоглолт хийж шөвгийн 16-д шалгарсан багууд бол Францын ПСЖ, Италийн "Аталанта", Испанийн "Реал", "Атлетико", Английн "Ньюкасл", Германы "Байер", Норвегийн "Будё-Глимт", Туркийн "Галатасарай" юм.
Шөвгийн 16-гийн сугалаа маргааш буюу баасан гарагт явагдах бөгөөд эхний тоглолтууд гуравдугаар сарын 10-11-нд, хариу тоглолтууд 17-18-нд болно.
Эх сурвалж: TASS
