Нидерландын тэшүүрчин Фемке Кок өвлийн Олимпын наадмын эмэгтэйчүүдийн 500 м-ийн зайн уралдаанд түрүүлж, алтан медаль хүртлээ.

Тэрбээр уг зайг 36,49 секундэд туулснаар Олимпын дээд амжилт тогтоосон байна. Харин дэлхийн рекордыг эвдэхэд ердөө 0,4 секунд дутжээ. Хоёрдугаар байрт түүний багийн анд Ютта Лердам /+0,66 сек/, Японы тамирчин Михо Такаги /+0,78 сек/ нар оржээ. 500 м-ийн зайн өмнөх Олимпын рекордыг 2018 оны Пёнчаны наадмын үеэр Японы тэшүүрчин Нао Кодаира 36,94 секундийн амжилтаар тогтоожээ.

Өдгөө 25 настай Кок тамирчны замналдаа анх удаагаа Олимпын аварга болж байна. Энэ удаагийн Олимпод тэрбээр 1000 м-ийн зайд мөнгөн медаль хүртжээ. Өмнө нь өөр өөр зайд таван удаа дэлхийн аварга болсон байна.

Эх сурвалж: РИА Новости