Киргизстаны нийслэл Бишкек хотод энэ сарын 13-нд чөлөөт бөх, сонгомол барилдааны дэлхийн оддын тэмцээн болох гэж байна.
Олимпын нийт 57, 65, 74, 86, 97 кг гэсэн таван жинд тус бүр шилдэг дөрвөн тамирчин өрсөлдөх юм. Сугалаагаар хагас шигшээ хосуудыг тодруулж, ялсан нь финалд, ялагдсан нь хүрэл медалийн төлөө барилдах дүрэмтэй энэхүү барилдаанд манай улсаас 65 кг-ын жинд дэлхийн аварга шалгаруулах тэмцээний мөнгө, хүрэл, Азийн аварга шалгаруулах тэмцээний хошой мөнгөн медальт, гавьяат тамирчин Т.Тулга оролцохоор Бишкект очжээ.
Түүний жинд ДАШТ-ий алт, мөнгө, Европын хошой аварга, Дэлхийн цомын аварга, ОХУ-ын бөх Абасгажи Магомедов, U23 ДАШТ-ий мөнгөн медальт, Азербайжаны тамирчин Руслан Абдулаев Яшар Догугийн тэмцээний аварга, U23 ДАШТ-ий хос хүрэл медальтай, U23 Азийн АШТ-ий хошой аварга, Киргизийн бөх Билол Шарип Уулу нар зодоглох юм байна.
