Монголын волейболын холбооны дээд лигийн тэмцээн өндөрлөж, аваргуудаа тодрууллаа.

Дээд лигийг анх зохион байгуулсны 30 жилийн ойн хүрээнд болсон энэхүү тэмцээнд эмэгтэйчүүдээс Д.Эрдэнэбулган ахлагчтай “Минтонетт Говь”, эмэгтэйчүүдээс М.Цэрэнбаатар ахлагчтай “Төв Миг Волвес” баг аваргын алтан медаль хүртэв. Финалын цувралд “Төв Миг” өрсөлдөгчөө 4:0-ээр буулган авсан бол “Минтонетт Говь” 4:2-оор хожлоо. Мөнгөн медалийг эрэгтэйчүүдээс “Алтайн барс-Хилчин”, эмэгтэйчүүдээс “Хобби Эйс” гардсан байна. “Хобби Эйс”-ийн хувьд гурван жил дараалан лигээ мөнгөн медаль зүүж байгаа нь энэ. Тэгвэл лигт анх удаа оролцсон “Дархан Могулс”-ын эрэгтэйчүүд хүрэл медалийн тавцанд зогссон бол “Хөвсгөл 7 од” багийнхан сүүлийн дөрвөн жил дараалан лигээс медаль авч байна. Ингэхдээ сүүлийн хоёр жилд нь хүрэл медалийн эзэн болжээ. Лигийн шилдгүүдийг танилцуулъя.

Финалын үнэ цэнтэй тоглогч

Эм: “Минтонетт Говь” багийн ахлагч, довтлогч Д.Эрдэнэбулган

Эр: “Төв Миг Волвес” багийн ахлагч, холбон тоглогч М.Цэрэнбаатар

Шилдэг холбогч

Эм: “Минтонетт Говь” багийн холбогч Д.Анужин

Эр: “Төв Миг” багийн холбогч М.Цэрэнбаатар

Шилдэг чөлөөт хамгаалагч

Эм: “Хобби Эйс” багийн чөлөөт хамгаалагч Мияашита Манахо

Эр: “Алтайн барс-Хилчин” багийн чөлөөт хамгаалагч А.Батсүх

Шилдэг голын хаагч

Эм: “Хөвсгөл 7 од” багийн тоглогч П.Энххүслэн

       “Хилчин Ти Жи” багийн тоглогч С.Нарангуа

Эр: “Алтайн Барс-Хилчин” багийн тоглогч Д.Мөнх-Оргил

       “Мегастарс” багийн тоглогч А.Төр-Эрдэнэ

Шилдэг өндрийн довтлогч

Эм: “Минтонетт Говь” багийн довтлогч Д.Эрдэнэбулган

       “Хобби Эйс” багийн довтлогч Тамүра Хикарү

Эр: “Төв Миг Волвес” багийн довтлогч Г.Цэнд-Аюуш

       “Дархан Могулс” багийн довтлогч М.Уранбаяр

Шилдэг диагоналийн довтлогч

Эм: “Дархан Могулс” багийн Х.Нэргүй

Эр: Алтайн Барс-Хилчин” багийн довтлогч Мурад Жехан

Шилдэг дасгалжуулагч

Эм: “Минтонетт Говь” багийн ахлах дасгалжуулагч Р.Тамираа

Эр: “Төв Миг Волвес багийн ахлах дасгалжуулагч Пабло Дел Грекко