Өвлийн Олимпын наадмын уран гулгалтын багийн тэмцээний  бүжгийн хосын төрөлд Америкийн уран гулгагч Мэдисон Чок, Эван Бэйтс нар түрүүллээ.

Америкийн уран гулгагчид 133.23 оноо авсан бол Италийн багийн Шарлен Гиньяр, Марко Фаббри нар 124.22 оноогоор удаалж, гуравдугаар байрыг Канадын багийн Маржори Лажуа, Закари Лага нар 120.90 оноогоор эзэлжээ. Гүржийн уран гулгагч Диана Дэвис, Глеб Смолкин нар 117.82 оноогоор дөрөвдүгээр байрт орсон байна.

Тэмцээний нийлбэр дүнгээр АНУ-ын баг 44 оноогоор тэргүүлж байгаа бол хоёрдугаар байрт Японы баг /39 оноо/, гуравдугаар байрт Италийн баг /37 оноо/ бичигдэж байна.

Өдгөө 33 настай Чок, 36 настай Бэйтс нар 2022 оны олимпын багийн тэмцээнд түрүүлж байсан билээ. Америкийн уран гулгагчид мөн дэлхийн аварга шалгаруулах тэмцээнд гурван удаа аваргалж байсан бол Гран-при цувралын финалд мөн гурван удаа түрүүлсэн амжилттай. Багийн төрөл өнөөдөр хос, эмэгтэйчүүд, эрэгтэйчүүдийн чөлөөт үзүүлбэрээр өндөрлөнө.

РИА Новости