ЗХУ, БНМАУ-ын сансрын хамтарсан нислэгээр монгол хүн сансарт ниссэний түүхт 45, Эрдэнэт хот байгуулагдсаны 50 жилийн ойг тохиолдуулан “Хоёр нуурын цом” олон улсын хоккейн тэмцээнийг зохион байгуулах гэж байна.
Дөрөв дэх удаагийн тэмцээн энэ сарын 25-нд хөшгөө нээж, улмаар 28-нд ОХУ-ын Буриадын Максимаха тосгонд үргэлжлэх ажээ. Хоёр үе шаттай нөхөрсөг тэмцээнд Монгол, ОХУ-ын Буриадын шигшээ болон Эрхүү мужийн “Польтех” баг оролцоно. Багууд тойргоор тоглох бөгөөд хамгийн олон хожсон баг ялагчийн цом өргөх юм. Энэхүү тэмцээнийг зохион байгуулах хорооны даргаар Монгол Улс, ЗХУ-ын баатар, сансрын нисэгч Ж.Гүррагчаа ажиллаж байна.
“Хоёр нуурын цом” тэмцээн нь хоёр орны залуу тамирчдыг нэгтгэсэн спортын томоохон уулзалт болоод зогсохгүй, олон улсын оюутны спортын хөдөлгөөнийг хөгжүүлэх чухал ач холбогдолтойг зохион байгуулагчид онцоллоо.
