2026 оны хөлбөмбөгийн Дэлхийн аварга шалгаруулах тэмцээнийг АНУ, Канад, Мексик гурван улс хамтран зургаадугаар сарын 11-нээс долдугаар сарын 19-ний хооронд зохион байгуулахаар болсон билээ.
Тэгвэл энэхүү тэмцээний АНУ-д болох тоглолтыг үзэх тасалбар эзэмшигчид АНУ-ын визний ярилцлагын цагаа түргэвчилсэн (priority) журмаар авах боломжтой болжээ. Энэ талаар АНУ-аас Монгол Улсад суугаа Элчин сайдын яамнаас албан ёсоор мэдээллээ.
Хэрэв иргэд тасалбараа FIFA-гийн албан ёсны цахим хуудаснаас худалдан авсан бол www.fifa.com сайтаар дамжуулан FIFA PASS хөтөлбөрт хамрагдахыг мөн дурдсан байна. Дэлгэрэнгүй мэдээллийг https://www.state.gov/fifa-world-cup-26 цахим хаягаас авах ажээ.
