Монголын хувийн хэвшлийн эрүүл мэндийн байгууллагын нэгдсэн холбооны VIII дугаар хурал болсон талаар Эрүүл мэндийн яамнаас мэдээлэв.

Тус хуралд Эрүүл мэндийн дэд сайд Г.Номин Хувийн хэвшлийн эрүүл мэндийн байгууллагууд Монгол Улсын эрүүл мэндийн салбарт чухал байр суурь эзэлж, иргэдэд чанартай, хүртээмжтэй тусламж үйлчилгээ үзүүлж ирсэн. Хувийн хэвшлийн эрүүл мэндийн байгууллага Монгол Улсын хэмжээнд нийт эмнэлгийн орны 25.5 хувийг бүрдүүлэн ажиллаж байна. Цаашид хариуцлагад суурилсан урт хугацааны түншлэлийг хөгжүүлэн, эрүүл мэндийн тусламж үйлчилгээний хүртээмжийг тасралтгүй сайжруулах чиглэлд ЭМЯ-аас тууштай дэмжин ажиллахаа илэрхийлэв.

Түүнчлэн Монгол Улсын Засгийн газрын бодлого, “Алсын хараа-2030”, “Алсын хараа-2050” урт хугацааны хөгжлийн бодлогын хүрээнд эрүүл мэндийн салбарт хэрэгжүүлж буй бодлого, цаашдын стратегийн чиглэлийн талаар танилцуулж, хувийн хэвшлийн оролцоог улам бэхжүүлэхийн чухлыг тэмдэглэв.

VIII дугаар хурлаар салбарын өнөөгийн нөхцөл байдал, тулгамдсан асуудлуудыг хэлэлцэж, төр, хувийн хэвшлийн хамтын ажиллагааг шинэ шатанд гаргах ач холбогдолтой хурал болсныг оролцогчид онцолсон байна.