Олон улсын сагсан бөмбөгийн холбооны Азийн салбар зөвлөлөөс 2029 онд болох Азийн аварга шалгаруулах тэмцээнд урьдчилсаны шатны эхний тоглолтуудыг зохион байгуулах орнуудыг өчигдөр албан ёсоор зарлалаа.

Урьдчилсан шатны тэмцээний наймдугаар сарын 24-нээс эхлэх энэхүү тоглолтыг зохион байгуулах дөрвөн орны нэг нь Улаанбаатар хот юм. Тодруулбал, долоо хоног үргэлжлэх урьдчилсан шатны “D” хэсгийн тоглолтыг Монгол Улс эх орондоо хүлээн авах бөгөөд манай шигшээ багаас гадна Тайланд, Вьетнам, Фижи арлын улсын баг энэ хэсэгт багтлаа. Тэгвэл “А” хэсгийн тоглолтыг АНЭУ-ын Дубайд, “В” хэсгийг Казахстаны Атырау, “С” хэсгийг Малайзын Серембан хотод зохион байгуулна. 2029 оны ААШТ-ий урьдчилсан эхний шатанд 17 улсын баг (Азиас 16, нэг Далайн орнуудаас 1) оролцох аж.

Урьдчилсан тэмцээнээс хэсгийн шилдэг гурван хоёрдугаар шатанд өрсөлдөх эрхтэй болно. Хоёрдугаар шатанд 12 баг зургаа зургаараа хоёр хэсэгт хуваагдах юм. Хоёрдугаар шатны тоглолтыг эх орондоо хүлээн авах орныг тухайн үед зарлахыг ФИБА-гаас мэдэгдэв. 2029 оны ААШТ-ий урьдчилсан хоёрдугаар шатны тэмцээн арваннэгдүгээр сарын 23-наас эхлэн найм хоног үргэлжилнэ. Улмаар хэсэг тус бүрээс шилдэг дөрвөн баг ААШТ-ий шалгаруулалтад оролцож, 2025 оны ААШТ-д оролцсон 16 багтай нэгдэх аж.

Ташрамд дурдахад, манай улсын хувьд 2022 оноос хойш сүүлийн жилийн турш ААШТ-ий урьдчилсан шатны тоглолтыг эх орондоо хүлээн авч байгаа юм.