Олон улсын ширээний теннисний холбооны түүх 100 жилийн ойн хүрээнд зохион байгуулах 2026 оны багийн дэлхийн аварга шалгаруулах тэмцээн Английн Лондон хотод дөрөвдүгээр сарын 28-нд болно.

Тус тэмцээний эрэгтэй, эмэгтэй багийн сугалааны үйл ажиллагаа өчигдөр болов. 100 жилийн ойн нэрэмжит ДАШТ-д оролцох Монголын эрэгтэй баг гуравдугаар хэсэгт Дани, Мадагаскар, Мексиктэй таарлаа. Харин эмэгтэйчүүд Бразил, Чех, Казахстаны шигшээ багтай тоглохоор оноолт таарчээ.

Манай ширээний теннисний эрэгтэй, эмэгтэй баг өнгөрсөн жил Энэтхэгийн Бхубанесвар хотод болсон Азийн аварга шалгаруулах тэмцээнээс эрхээ авснаар ДАШТ-д өрсөлдөх шилдэг орны нэг болсон юм.