Монголын морин спорт, уяачдын холбооны тэргүүлэгчдийн хурлаар уламжлалт “Дүнжингарав” хаврын уралдааныг сэргээн зохион байгуулахаар болжээ.
Ингэхдээ тус тавдугаар сарын 1-нд их нас, соёолон, сонгомол дунд нас гэсэн ангиллаар явуулах аж. Үүнээс гадна зарим аймаг, салбар холбооноос ирүүлсэн “Улсын чанартай бүсийн хурдан морины уралдааныг орон нутагт зохион байгуулах тухай” саналыг хэлэлцсэн байна. Энэ жилийн хувьд Говийн бүсийн уралдааныг Дундговьд, Зүүн бүсийг Сүхбаатарт, баруун бүсийг Завханд, Төвийн бүсийг Сэлэнгэ аймагт долоодугаар сарын 24-26-нд зохион байгуулах саналыг Монгол Улсын Засгийн газарт уламжлахаар тогтов.
Тэгвэл Монголын морин спорт, уяачдын холбооны түүх 30 жилийн ой, XVII жарны “Элдэв эрдэнэт” хэмээх модон могой жилийн “Монгол уяа -2025” оны шилдгүүдэд шагнал гардуулах ёслол энэ сарын 24-нд болно.
