Өвлийн Олимпын наадмыг зохион байгуулах тухай хуулийн төслийг Францын Үндэсний хурлын гишүүд эхний хэлэлцүүлгээр баталлаа.
Хуульд зааснаар, сэргээштэй тэмцэх ажиллагааны хүрээнд улс орнуудын спортын төлөөлөгчдийн ачаа тээшинд үзлэг хийхийг зөвшөөрсөн нь анхаарал татаж байна. Тодруулбал, одоо хэрэгжиж буй хуулин дахь спортын ёсзүйн хэм хэмжээг тодорхойлсон L. 232-18-4 гэх заалтад нэмэлт өөрчлөлт оруулсан бөгөөд уг заалтаар сэргээштэй тэмцэх агентлагийн ажилтнуудын эрх үүргийг зохицуулсан байдаг.
Нэмэлт өөрчлөлтийн дагуу, ачаа тээшний эзний зөвшөөрлөөр ачаанд нь үзлэг хийхийг зөвшөөрчээ. Энэ бол дэлхийн спортын түүхэнд урьд өмнө авч байгаагүй арга хэмжээ юм. Өмнө нь мөрдөгчид шүүгчийн зөвшөөрлийн үндсэн дээр спортын барилга байгууламжийн өрөө тасалгаануудад нэгжлэг хийх эрхтэй байжээ.
Ингэхдээ ачаа тээшний үзлэгийг нэгэнт явагдаад эхэлсэн мөрдөлтийн хүрээнд нисэх онгоцны буудал, төмөр замын буудал болон нийтийн эзэмшлийн авто замуудад хийхийг зөвшөөрсөн байна.
2030 оны өвлийн Олимпын наадам Франц улсын Оверн - Рона – Альп ба Прованс - Альп – Номин эрэг гэсэн хоёр бүс нутагт болно.
Эх сурвалж: TASS
