"Вашингтон Кэпиталз", "Даллас Старз" багуудын тоглолтын завсарлагаар Оросын хоккейчин Александр Овечкины хүү мөсөн талбайд гарсан тухай Үндэсний хоккейн лигийн /NHL/ цахим хуудсанд бичсэн байна.

Вашингтонд өчигдөр болсон уг тоглолтын 58 дахь минутанд Овечкин гоол оруулсан хэдий ч “Даллас” баг 4:1 (1:0, 1:0, 2:1) харьцаагаар талбайн эздийг бутниргэжээ.

NHL-ийн Х нийгмийн сүлжээн дэх хуудсанд 7 настай хүүгээ мөсөн талбайд ажиглан харж буй Овечкины гэрэл зургийг нийтлээд дор нь “завсарлагаанаар хүү нь хоккей тоглох мөчийг Овечкин алдахгүй харахыг хичээжээ” гэж бичсэн байна. “Кэпиталз-ын цэнгэлдэхэд бага Овечкины хийсэн анхны тоглолтыг бүхий л чадлаараа дэмжлээ” гэж Овечкины эхнэр Анастасия Инстграмм хуудсандаа бичжээ.

Өдгөө 40 настай А.Овечкин лигийн аварга шалгаруулах тэмцээнүүдэд оруулсан гоолын тоогоор дээд амжилт тогтоосон бөгөөд “Даллас”-тай хийсэн тоглолтын үеэр 915 дахь гоолоо оруулжээ. Өмнөх рекордыг Канадын домогт хоккейчин Уэйн Гретцки /1487 тоглолтод 894 шайб/ тогтоосон юм.

А.Овечкин 7 настай Сергей, 5 настай Илья гэсэн хоёр хүүтэй бөгөөд хоёулаа АНУ-д төрж, Америкийн иргэншилтэй болжээ.

Эх сурвалж: РИА Новости