Олон улсын уулчдын холбооны 2026 оны мөсөнд авиралтын дэлхийн цуврал тэмцээний шинэ улирал эхэлж байна.

Солонгосын Чонсон хотод болох tхний тэмцээнд 18 орны 120 орчим тамирчин өрсөлдөхөөр мэдүүлэг өгчээ. Манай улсаас олон улсын хэмжээний мастер Н.Сэлэнгэ, Н.Хэрлэн, О.Сайханжаргал, Ч.Мандахбаяр тэргүүтэй тамирчид оролцохоор тус улсыг зорилоо.

Уламжлал ёсоор Mөсөнд авиралтын дэлхийн цомын цуврал тэмцээний нээлт Азиас эхэлж, 15 гаруй жилийн турш UIAA тэмцээнийг тогтмол зохион байгуулж буй Чонсон хот тамирчдыг хүлээн авах юм. 2025-2026 оны UIAA мөсөнд авиралтын улиралд “Фиксе” брэнд албан ёсны техникийн түншээр оролцож байгаа аж. Дэлхийн цомын цуврал тэмцээн бүрийн техникийн ажилтнууд болон багууд “Фиксе” брэндийн олс, карабин, хударга, бэхэлгээ, дуулга ашиглах бөгөөд тус брэнд нь бүх ангиллын тэмцээний шаардлагыг хангадаг аж.

Чонсоны тэмцээн энэ сарын 10, 11-нд техник болон хурдны төрлөөр болно. Чонсоны тэмцээний хурдны төрөлд олон улсын хэмжээний мастер Н.Хэрлэн, Н.Сэлэнгэ нар өнгөрсөн жил түрүүлж байсан юм.

Чонсоны тэмцээний дараа Швейцар, АНУ, Канадад дэлхийн цомын цуврал үргэлжилнэ.