Саудын Арабын Жидда хотод болсон Испанийн Супер цомын тэмцээний хагас шигшээ тоглолтод “Барселона” баг Бильбао хотын “Атлетик” багийг 5:0 харьцаагаар бутниргэснээр финалд шалгарлаа.
Жидда хотын “Кинг Абдулла Спортс Сити” цэнгэлдэх хүрээлэнд болсон тоглолтын 22 дахь минутанд “Барселона”-гийн довтлогч Ферран Торрес тооны харьцааг нээлээ. 30 дахь минутанд хагас хамгаалагч Фермин Лопес, 34 дахь минутанд жигүүрийн довтлогч /вингер/ Руни Баржи нар гоол оруулснаар багийнхаа давамгайллыг бататгасан бол Бразилын хөлбөмбөгчин Рафинья 39 ба 52 дахь минутанд дубль хийлээ.
Ийнхүү Испанийн Супер цомын финалд шалгарсан каталончууд 11-ний ням гарагт “Атлетико” ба “Реал” багуудын хожсонтой нь тоглоно. Тус хоёр багийн тоглолт өнөөдөр болох юм.
“Барселона” баг Супер цомыг 15 удаа өргөж, дээд амжилт тогтоосон бөгөөд өнгөрсөн улирлын цомын эзэн болжээ. Эл үзүүлэлтээр хоёрдугаарт "Реал" баг /13 удаа/ бичигдэж байна.
Супер цомын тоглолтуудыг 6 жилийн өмнөөс Саудын Арабад явуулж байгаа бөгөөд үүнээс Испанийн хөл бөмбөгийн холбоо улирал бүр 30 сая еврогийн орлого олдог ажээ.
Эх сурвалж: championat.com
