Энэ оны талбайн теннисний Их Дуулгын тэмцээний шагналын сангийн хэмжээ 75 сая ам.долларт хүрэх бөгөөд энэ нь өнгөрсөн улирлынхтай харьцуулахад 16 хувиар өссөн үзүүлэлт юм.
Мельбурн хотод болох Австралийн Нээлттэй тэмцээнийг зохион байгуулагчдын зүгээс тэмцээнд оролцогчид ба аваргуудад түүхэнд байгаагүй их хэмжээний мөнгөн шагнал олгоно гэдгээ зарласан байна. Тодруулбал, эхний тойрогт тоглоод хожигдсон теннисчин 101 мянган доллар авах бол ганцаарчилсан төрөлд финалд шалгарсан тамирчид тус бүр 1.4 сая долларын шагнал хүртэх ажээ. Харин эрэгтэйчүүдийн ба эмэгтэйчүүдийн ганцаарчилсан төрөлд аваргалсан теннисчид тус бүр 2,8 сая доллар авах бөгөөд энэ нь өнгөрсөн оны тэмцээний шагналаас даруй 20 хувиар их юм.
Тэмцээнд оролцогчдод дараах байдлаар мөнгөн шагналыг олгоно.
I тойрог – $ 150,000 AUD /австрали доллароор/
II тойрог – $ 225,000
III тойрог – $ 327,750
IV тойрог – $ 480,000
Шөвгийн найм – $ 750,000
Хагас шигшээ тоглолт – $ 1,250,000
Шигшээ тоглолт – $ 2,150,000
Аварга – $ 4,150,000.
Сануулан дурдахад, Аustralian Open-2026 тэмцээний урьдчилан шалгаруулах шатны тоглолтууд 12-ны өдөр эхлэх бол үндсэн тэмцээн Мельбурн хотноо нэгдүгээр сарын 18-наас хоёрдугаар сарын 1-нд болно.
Өнгөрсөн оны тэмцээний эмэгтэйчүүдийн ганцаарчилсан төрөлд АНУ-ын теннисчин Мэдисон Киз, эрэгтэйчүүдийн ганцаарчилсан төрөлд Италийн Янник Синнер нар аваргалсан билээ.
Эх сурвалж: sport.ru
