"Рио-2016" олимпын аварга, Японы жүдоч Машү Бейка Увс аймгийн жүдогоор хичээллэж буй хүүхэд, багачуудад зориулсан сургалт, дадлагад оролцохоор хүрэлцэн ирээд байна.
Тэрбээр МУГТ, Монгол Улсын дархан аварга, жүдо бөхийн ОУХМ, Бөхийн "Увс нуур" галын тэргүүн Н.Батсуурийн урилгаар ирсэн бөгөөд Монголын жүдо бөхийн холбоотой хамтран сургалтын үеэр олимп, дэлхийн дэвжээнээс хуримтлуулсан үнэтэй туршлага, техник, барилдааны арга барилаасаа хуваалцан, ирээдүйн шилдэг тамирчдыг бэлтгэхэд үнэтэй хувь нэмрээ оруулах юм.
Энэхүү сургалт нь орон нутгийн жүдоч хүүхэд, залуусын ур чадварыг ахиулах, олон улсын жишигт ойртуулан хөгжүүлэхэд чухал ач холбогдолтой үйл явдал болж байгаагаараа онцлог юм.
Долоо хоногийн хугацаатай үргэлжлэх энэхүү сургалт, дадлага өнөө өглөө 10:00 цагаас Эрдмийн эхлэл сургуулийн зааланд эхэлсэн бөгөөд жүдо бөхөөр хичээллэх дур сонирхолтой Увс аймгийн 10 сургуулийн 100 гаруй өсвөрийн тамирчин хамрагдаж байна.
