Өвлийн солилцооны цонх нээгдсэн энэ үед Испанийн “Реал” багт тоглодог Бразилын довтлогч Винисиусыг авахын тулд 135 сая фунт стерлинг /156 сая евро/ санал болгоход бэлэн байгаагаа Английн “Челси” клуб илэрхийлсэн тухай Их Британийн “The Guardian” сонинд бичжээ.
Винисиусын “Реал”-тай байгуулсан гэрээ 2027 оны зургаадугаар сард дуусгавар болно. Эх сурвалжийн ярьснаар, тэрбээр “Реал” дахь нөхцөл байдалд сэтгэл дундуур байгаа бөгөөд тус клубтэй байгуулсан гэрээгээ сунгах бодолгүй байгаа бололтой.
Өдгөө 25 настай Винисиус Жуниор 2017 оны зун Бразилын ”Фламенго” багаас 45 сая еврогоор “Реал”-д ирсэн бөгөөд өнгөрсөн хугацаанд Испанийн аваргаар 3 удаа шалгарч, Аваргуудын лигт 2 удаа түрүүлжээ. “Эзэн хааны клуб”-ын бүрэлдэхүүнд тэрбээр нийт 347 тоглолтод оролцохдоо 111 гоол оруулж, 91 оновчтой дамжуулалт өгсөн байна.
Харин энэ улиралд Ла Лигийн 19 тоглолтод оролцохдоо 5 гоол оруулж, 6 оновчтой дамжуулалт хийжээ.
Эх сурвалж: TASS
