АНУ-ын Миннесота муж улсын Сент-Пол хотод болж буй залуучуудын хоккейн дэлхийн аварга шалгаруулах тэмцээний /ДАШТ/ финалд Швед, Чехийн шигшээ багууд шалгарлаа.

Хагас шигшээ тоглолтод Шведийн шигшээ баг Финландын багийг тогуулийн цохилтоор 4:3-аар хожсон бол Чехийн баг Канадын шигшээг 6:4-өөр буулган авчээ. Ингэснээр Канадын шигшээ баг залуучуудын хоккейн ДАШТ-ий финалд гурав дахь жилдээ дараалан шалгарч чадсангүй. Тус баг хамгийн сүүлд 2023 онд финалд шалгарч байсан бөгөөд тухайн үед Чехийн багийг буулган авч, 20 дахь удаагаа аваргын цомыг хүртэж байв. Канадын залуус 2012-2014 онд мөн гурван жил дараалан финалд шалгарч чадаагүй бол 1978, 1979, 1980, 1981 онуудад мөн финалд тоглоогүй юм.

Шийдвэрлэх тоглолт даваа гарагт буюу өнөөдөр болно. Гуравдугаар байрын төлөөх тоглолт мөн өнөөдөр болох бөгөөд Финланд, Канадын шигшээ багууд өрсөлдөнө.

Эх сурвалж: TASS