Монголын спортын корпарацаас зохион байгуулдаг Монголын спортын наадам энэ сарын 18-нд эхэлнэ.
Тав дахь удаагийн тэмцээнийг байт харваа, бүжгийн спорт, виртуал дугуй, жюү жицү, мөсөнд авиралт, спорт авиралт, кэндо, рөүинг, таеквондо, хүндийг өргөлт, тэргэнцэртэй сэлэм гэсэн спортын 10 төрлөөр зохион байгуулах бөгөөд урьдчилсан мэдүүлгээр 700 орчим тамирчин оролцохоор байгаа аж.
Холбоодын нэгдсэн УАШТ нь энэ жилээс нэрээ сольж Монголын спортын наадам болсон бөгөөд “Монголын спорт-Нэг тайз-Мөрөөдөл” уриан дор болдог уг тэмцээнийг анх 2022 онд болсон байдаг. Түүнээс хойш спортоор хичээллэх хүүхэд залуусын тоо нэмэгдэж, сонирхогчид олширсон байна. Азийн наадмын форматаар зохион байгуулах тус тэмцээн “Степ арена”, “Буянт-Ухаа” спортын ордон, Монгол бөхийн өргөө, “Уран ган” спорт цогцолборт болно.
Тэмцээн энэ сарын 18-нд мөсөнд авиралтаар эхэлж, 25-нд байт харваа, виртуал дугуйн төрлөөр өндөрлөнө.
